საქართველო-ყაზახეთის მატჩს, რომელიც თბილისში დინამო არენაზე გაიმართა მაყურებლის რეკორდული რაოდენობა დაესწრო. ფეხბურთის ფედერაციის ინფორმაციით, UEFA-ს ერთა ლიგის ამ მატჩს 52 214 გულშემატკივარი ესწრებოდა. სტადიონი სულ 54,549 ადამიანზეა გათვლილი.

აღნიშნული შედეგი უეფას ერთა ლიგის B, C და D დივიზიონებში საუკეთესო აღმოჩნდა. ერთა ლიგაზე გულშემატკივართა დასწრების საუკეთესო ათეული ასე გამოიყურება:

  • (А) ინგლისი - ესპანეთი 81 392
  • (A) საფრანგეთი - გერმანია 80 783
  • (A) ინგლისი - ხორვატია 78221
  • (А) საფრანგეთი - ჰოლანდია 76 452
  • (A) იტალია - პორტუგალია 73000
  • (А) გერმანია - საფრანგეთი 67 485
  • (А) პორტუგალია - იტალია 52 635
  • (А) ჰოლანდია - გერმანია 52 536
  • (D) საქართველო - ყაზახეთი 52 214
  • (А) ესპანეთი - ინგლისი 50 335

საქართველოს ნაკრებმა ყაზახეთი 2:1 დაამარცხა. პირველი გოლი ყაზახეთის კარში გიორგი მერებაშვილმა, მეორე კი გიორგი ჩაკვეტაძემ გაიტანა. საქართველოს ნაკრებში გოლი 89-ე წუთზე გავიდა.

მატჩზე დასასწრები ყველა ბილეთი სიმბოლურ ფასად, ერთ ლარად გაიყიდა. ამ ფორმით ფედერაციამ მადლობა გადაუხადა საზოგადოებას გულშემატკივრობისთვის.