საქართველოს პარლამენტის თავმჯდომარის, ირაკლი კობახიძის თქმით, შინაგან საქმეთა მინისტრი, გიორგი გახარია მზად არის, რომ ხორავას ქუჩაზე მიღებული რეკომენდაციების შესახებ მოხსენებით პარლამენტში წარსდგეს. ამის შესახებ პარლამენტის თავმჯდომარემ რამდენიმე წუთის წინ ბიუროს სხდომაზე ისაუბრა.

ბიუროს საგამოძიებო კომისიის წევრები საპარლამენტო უმცირესობიდან რეკომენდაციების შესრულების აუცილებლობაზე საუბრობდნენ. ელენე ხოშტარიამ აღნიშნა, რომ დათო სარალიძის მამა, ზაზა სარალიძე დღემდე აქციებს მართავს.

ხორავას ქუჩაზე დათო სარალიძე დაახლოებით ერთი წლის წინ მოკლეს, თუმცა როგორც საქალაქო სასამართლოს გადაწყვეტილებამ აჩვენა, მისი მკვლელი პროკურატურას დაკავებული არ ჰყავს. მკვლელობაში მონაწილე პირების დაკავების მოთხოვნით დათო სარალიძის მამა, ზაზა სარალიძე აქციებს ხუთ თვეზე მეტი ხანია მართავს.