რუსეთის საგარეო საქმეთა მინისტრი, სერგეი ლავროვი და სამხრეთ ოსეთის დე ფაქტო რესპუბლიკის საგარეოსაქმეთა მინისტრი, დიმიტრი მედოევი ერთმანეთს 12 ნოემბერს მოსკოვში შეხვდნენ.

დე ფაქტო უწყების ინფორმაციით, შეხვედრაზე მათ ორმხრივ ურთიერთობების საკითხები განიხილეს. მედოევმა რუსულ-ოსური ურთიერთობისთვის, მხარდაჭერისთვისა და საერთაშორისო პოზიციების გამყარებისთვის ლავროვს მადლობა გადაუხადა.

შეხვედრის დროს სერგეი ლავროვმა განაცხადა, რომ აფასებს ცხინვალთან მჭიდრო დიპლომატიურ კავშირებს.