ამერიკის პრეზიდენტმა დონალდ ტრამპმა და პირველმა ლედიმ, მელანია ტრამპმა ცუდი ამინდის გამო საფრანგეთში დაკრძალულ ამერიკელ სამხედროებს პატივი ვერ მიაგეს. თეთრი სახლის ინფორმაციით, დაგეგმილი ვიზიტი გადაიდო ამინდის გაუარესების გამო. მათ ნაცვლად ცერემონიას აშშ-ს დელეგაციის ორი წარმომადგენელი გენერალი ჯონ კელი და ჯო დანფორდი დაესწრნენ.

სასაფლაოზე, სადაც ტრამპი წვიმის გამო ვერ მივიდა, დაახლოებით 2 300 ჯარისკაცის საფლავია, უმეტესობა მათგანი სწორედ ამ ტერიტორიაზე იბრძოდა 1918 წელს.

CNN-ის ცნობით, სხვა დაგეგმილ აქტივობამდე, შეცვლილი განრიგის გამო ტრამპი პარიზში "გაცდა".

საფრანგეთში პირველი მსოფლიო ომის დასრულებიდან 100 წლისთავისადმი მიძღვნილი ღონისძიებები იმართება, რომელსაც 98 ქვეყნის დელეგაცია დაესწრება. პარიზში არიან დონალდ ტრამპი და ვლადიმერ პუტინიც. მსოფლიო ლიდერების მიღების ცერემონიას ესწრება საქართველოს პრეზიდენტი გიორგი მარგველაშვილი, პირველ ლედისთან, მაკა ჩიჩუასთან ერთად.