ბაღდათის რაიონის სოფელ ზეკარის მიმდებარე ტერიტორიაზე იწვის შერეული ტყის ქვედა საფარი. საგანგებო სიტუაციების მართვის სამსახურის განცხადებით, წინასწარი ინფორმაციით, დამწვარია 5 ჰა ფართობი.

უწყების თქმით, რთული რელიეფის გამო ადგილზე სახანძრო-სამაშველო ტექნიკის მისვლა გართულებულია, რის გამოც ხანძრის ეპიცენტრში მობილიზებულია ცოცხალი ძალა. ადგილზე მუშაობს 55 მეხანძრე-მაშველი.

ადგილზე იმყოფებიან იმერეთის რეგიონის სატყეო სამსახურის თანამშრომლები. დასახლებულ ტერიტორიებზე ცეცხლის გავრცელების საშიშროება არ არსებობს.