მოძრაობა სახელმწიფო ხალხისთვის ლიდერი პაატა ბურჭულაძე აცხადებს, რომ სახელმწიფო უსაფრთხოების სამსახური მათზე ზეწოლას ახორციელებს, თუმცა ის მადლიერია მათი, რადგან "პარტიას სუსტი ადამიანები ტოვებენ და ძლიერები რჩებიან".

მან ასევე გააკეთა კომენტარი ელისო კილაძის მიერ გამოქვეყნებული ვიდეო მასალის შესახებ, სადაც ის კრიმინალური ავტორიტეტის ტარიელ ონიანის შვილის ნათლობაში იმყოფება. ის აცხადებს, რომ ბევრი ნათლული ჰყავს და ამაში სკანდალური არაფერია:

"მე მოვნათლავ ყველას ვინც კი მთხოვს, რადგან მე მორწმუნე ადამიანი ვარ. ამ ნათლულით კი ძალიან ვამაყობ. იგი ცხოვრობს ლონდონში და არის ძალიან წარმატებული ფინანსისტი".

ბურჭულაძემ ასევე განაცხადა, რომ მალე პარტია მაჟორიტარობის ყველა კანდიდატს წარადგენს.