დისნეი ვარსკვლავური ომების ერთ-ერთი ფილმის, Rogue One: A Star Wars Story-ის პრიქველს სერიალად გადაიღებს.

ამ ეტაპზე შოუს სიუჟეტი არ ხმაურდება, თუმცა ცნობილია, რომ მთავარ როლში დიეგო ლუნას ვიხილავთ.

რაც შეეხება Rogue One-ს, ის 2016 წელს Lucasfilm-მა გადაიღო და იყო პირველი კინოფილმი ვარსკვლავური ომების ანთოლოგიაში, რომლის მოქმედებაც ახალ იმედამდე მიმდინარეობდა.

ფილმში მთავარ როლებს ფელისიტი ჯონსი, დიეგო ლუნა, რიზ აჰმედი, ბენ მენდელსონი და დონი იენი ასრულებდნენ.

ვარსკვლავური ომების ამ ნაწილში მოთხრობილია აჯანყებულების შესახებ, რომლებიც სიკვდილის ვარსკვლავის ნახაზების მოპოვების მისიას ასრულებს.

ახალი სერიალი დისნეის სტრიმინგ არხ Disney+-ზე გავა.