ევროპული საქართველოს ერთ-ერთი ლიდერის, გიგა ბოკერიას განცხადებით, არჩევნების მეორე ტურში "ივანიშვილის რეჟიმი დამარცხების" შემდეგ ისინი და ერთიანი ნაციონალური მოძრაობა კვლავ ოპონენტები გახდებიან.

ბოკერიას თქმით, ქვეყანაში ცვლილებებს მეორე ტურში გრიგოლ ვაშაძის გამარჯვება სჭირდება. ევროპული საქართველოს წევრის აზრით, ამას საარჩევნო რეფორმა და პროპორციულ სისტემაზე გადასვლა უნდა მოჰყვეს, რათა პოლიტიკურ ძალებს არ ჰქონდეთ მოქმედი და წინა ხელისუფლებების მსგავსი ძალაუფლება.

"ამის შემდგომ ევროპული საქართველო და ნაციონალური მოძრაობა კვლავ ოპონენტები იქნებიან, ერთმანეთში კონკურენციას და შემდეგ ქართველი ამომრჩეველი გადაწყვეტს ვინ იქნება ხელისუფლებაში და ვინ ოპოზიციაში", — აცხადებს ბოკერია.

ევროპული საქართველოს საპრეზიდენტო კანდიდატმა, დავით ბაქრაძემ მეორე ტურის დანიშვნის შემდეგ გაერთიანებული ოპოზიციის კანდიდატს, გრიგოლ ვაშაძეს დაუჭირა მხარი.

საქართველოს ექს-პრეზიდენტი და ნაციონალური მოძრაობის ლიდერი, მიხეილ სააკაშვილი გიგი უგულავას ჰელსინკიში დღეს, 8 ნოემბერს შეხვდა. სააკაშვილის თქმით, ყველა მიხვდა, რომ ისინი "ერთი ოჯახი არიან".