Reuters-ის ინფორმაციით, ირანის საგარეო საქმეთა მინისტრი ბაჰრამ ქასემი აცხადებს, რომ დღეიდან რუსეთი ირანის ბაზებს ვეღარ გამოიყენებს:

"ირანის ბაზებზე რუსეთის სამხედროები აღარ იმყოფებიან და ოპერაცია, რომელიც მათ შეასრულეს აღარ განმეორდება".

რუსეთის Tupolev-22M3 და Sukhoi-34 ბომბდამშენებმა ქალაქ ჰამედანის საჰაერო ბაზა გასულ კვირას გამოიყენა. ეს მეორე მსოფლიო ომის შემდეგ პირველი შემთხვევა იყო, როდესაც უცხო ქვეყნის ძალებმა ირანის ბაზით ისარგებლეს. ირანის პარლამენტის წევრებმა განაცხადეს, რომ ამით ირანის კონსტიტუცია დაირღვა.

ირანის თავდაცვის მინისტრმა წერილიც გამოაქვეყნა, სადაც რუსეთს აკრიტიკებს, წერილს სახელად ნდობის ღალატი უწოდა.

შეგახსენებთ, რომ ერთი კვირაა, რაც რუსეთი სირიაში ისლამური სახელმწიფოს სამხედროების წინააღმდეგ მიმართულ დაბომბვებს ახორციელებს.