საქართველოს პარლამენტში იურიდიულ საკითხთა კომიტეტის თავმჯდომარის, ეკა ბესელიას წიგნის სამაგიდო წიგნი პარლამენტისთვის (ნიმუშების კრებული) პრეზენტაცია გაიმართა. პრეზენტაციის შესახებ ინფორმაცია პარლამენტის ვებგვერდზე გამოქვეყნდა.

მისი თქმით, წიგნის შექმნის იდეა 2013 წელს გაუჩნდა, როცა თავად დასჭირდა მსგავსი სახელმძღვანელო.

"ამ წიგნში დევს ექვსწლიანი შრომა და გარკვეული გამოცდილება, რაც გამოადგება ჩვენს შემდგომ კოლეგებს და ახალ სპეციალისტებს. ამ წიგნს გაგრძელება ექნება. ვიცი, რომ ჩემი კოლეგები, მათი სფეროდან დანახული გამოცდილებით, შეავსებენ იმ აუცილებელ სივრცეს, რომელშიც ბევრი ასეთი სახელმძღვანელო პრინციპი უნდა გაჩნდეს", — აღნიშნა ბესელიამ წიგნის პრეზენტაციაზე.

წიგნის გამოცემა მიეძღვნა საქართველოს პირველი დემოკრატიული რესპუბლიკის დაარსებიდან 100 წლისთავს.

ეკა ბესელია საქართველოს პარლამენტის წევრი 2012 წლის ოქტომბრიდან არის. სწორედ ექვსი წლის წინ შეცვალა ნაციონალური მოძრაობის ხელისუფლება ქართულმა ოცნებამ.