მერაბ მეტრეველმა პოლიტიკური გაერთიანება პაატა ბურჭულაძე - სახელმწიფო ხალხისთვის, დატოვა. ამის შესახებ მეტრეველმა დღეს გამართულ ბრიფინგზე პაატა ბურჭულაძესთან ერთად ისაუბრა.

პარტიის ლიდერმა აღნიშნა, რომ მათ უკვე ჰქონდათ საუბარი ამ თემაზე და პარტიიდან წასვლის მიზეზიც იცოდა, თუმცა მიზეზებზე თავად მეტრეველი ისაუბრებდა.

"მე მინდა ვთქვა რომ ეს ძალიან დიდი დანაკარგია ჩვენთვის, მე მინდა მერაბს გზა დავულოცო, მადლობა ვუთხრა იმ გაწეული მუშაობისთვის, რაც მან ჩაატარა ჩვენთან ერთად".

მერაბ მეტრეველმა პარტიიდან წასვლის მიზეზად რამდენიმე დღის წინ, სახელმწიფო ხალხისათვის და ვაშაძე-ჯაფარიძე-ახალ არჩევანის გაერთიანება დაასახელა.

"არსებობს სხვადასხვა მიზეზი რის გამოც ვიღაცასთან ერთად შენთვის ყოფნა მიუღებელია, ეს მიზეზები უკვე ითქვა, რომ ეს გაერთიანება ჩემთვის იყო მიუღებელი, სწორედ ამიტომ მივიღე ეს გადაწყვეტილება, მე მინდა ვუსურვო ამ პარტიას წარმატებები და ვუსურვო გამარჯვება არჩევნებზე".