2019 წლის პირველი იანვრიდან ოქროსფერი 50-თეთრიანების გადაცვლა მხოლოდ ეროვნულ ბანკში იქნება შესაძლებელი. პირველ იანვრამდე მონეტების გამოცვლა სხვა მოქმედ კომერციულ ბანკებშიც შეგეძლებათ. ინფორმაციას საქართველოს ეროვნული ბანკი ავრცელებს.

2006 წელს ეროვნულმა ბანკმა ოქროსფერი 50-თეთრიანები ეტაპობრივად ვერცხლისფერი მონეტებით ჩაანაცვლა. ძველი მონეტებით გადახდა 2018 წლის პირველი იანვრიდან აღარაა შესაძლებელი, რაც იმას ნიშნავს, რომ სავაჭრო და ნაღდი ფულით მომსახურების ობიექტებს ანგარიშსწორებისას მათი მიღების ვალდებულება აღარ აქვთ.