შინაგან საქმეთა და სასჯელაღსრულების ყოფილი მინისტრი, ბაჩო ახალაია, რომელიც რამდენიმე საქმეზეა მსჯავრდებული ამბობს, რომ არ აპირებს გრიგოლ ვაშაძის გაპრეზიდენტების შემთხვევაში მას შეწყალების თხოვნით მიმართოს. ახალაიას სახელით განცხადება მის ფეისბუქგვერდზე გავრცელდა.

"ჩემი მისდამი უდიდესი პატივისცემის მიუხედავად არ ვთვლი, რომ ამხელა უსამართლო სასჯელის მოხდის მიწურულს რამე შეწყალება მჭირდებოდეს", — აღნიშნულია განცხადებაში.

მისი თქმით, მისი სახელს ხელისუფლების ზოგიერთი "უსინდისო" წარმომადგენელი ბინძური მიზნებისთვის იყენებენ. ის აღნიშნავს, რომ ახალი ხელისუფლება მას რაიმე თანამდებობას შესთავაზებს და თუ ასე მოხდა მას სურვილი არ აქვს სახელმწიფო სამსახურში მუშაობის.

"ერთადერთი, რაც არის ხელშესაწყობად შესაძლებელი გავაკეთო, სამწუხაროდ, ეს კვლავ ციხეში ჯდომაა. სამწუხაროდ ჩემი როლი ასეთი აღმოჩნდა. იმედი მაქვს ჩემსავით ფიქრობს ყველა ის ადამიანი ვისთვისაც მთავარი საქართველოს ეროვნული ინტერესებია, ამიტომაც არის ივანიშვილის რეჟიმის პოლიტიკური მარცხი გარდაუვალი. დღეს საქართველოსთვის გასაწევი სამსახური როგორც ჩანს ჩემთვის ასეთია", — აღნიშნულია განცხადებაში.

ბაჩო ახალაია მსჯავრდებულია სერგო თეთრაძისა და სანდრო გირგვლიანის საქმეებზე.