გირჩის საპრეზიდენტო კანდიდატმა, ზურაბ ჯაფარიძემ 36 023 ხმა მიიღო და 18 ხმით გადაუსწრო თავისუფალი დემოკრატების კანდიდატს, დავით უსუფაშვილს, რომელმაც 36 005 ხმა მიიღო.

აღსანიშვანია, რომ დავით უსუფაშვილისგან განსხვავებით, გირჩი არ არის კვალიფიციური სუბიექტი, რის გამოც მას არ ჰქონდა უფასო სარეკლამო დრო. როგორც ჯაფარიძე წინასაარჩევნო რეკლამაში აღნიშნავდა, მისი არჩევნებში მონაწილეობის ერთ-ერთი მთავარი მიზანი იყო გაეგო, თუ რამდენ ადამიანს სურს ქვეყანაში თავისუფლება.

ფოტო: On.ge

ცესკომ ხმების 100% დაითვალა. მონაცემების მიხედვით, საქართველოში მეორე ტური ხელისუფლების მხარდაჭერილ კანდიდატ სალომე ზურაბიშვილსა და გაერთიანებული ოპოზიციის კანდიდატ გრიგოლ ვაშაძეს შორის გაიმართება. ცესკომ წინასწარი მონაცემების განახლებული შედეგები რამდენიმე წუთის წინ გამოაქვეყნა.

შედეგები ასე გადანაწილდა:

  • სალომე ზურაბიშვილი (ხელისუფლების მხარდაჭერილი კანდიდატი) — 38,64%;
  • გრიგოლ ვაშაძე (ძალა ერთობაში) — 37,74%;
  • დავით ბაქრაძე (ევროპული საქართველო) — 10,97%;
  • შალვა ნათელაშვილი (ლეიბორისტული პარტია) — 3,74%;
  • ზურა ჯაფარიძე (გირჩი) — 2,26%;
  • დავით უსუფაშვილი (შენების მოძრაობა) — 2,26%.

ამავე თემაზე: