თბილისში არჩევნები გაერთიანებული ოპოზიციის კანდიდატმა, გრიგოლ ვაშაძემ გაიმარჯვა. მან ჯამში ხმების 35,44 პროცენტი მიიღო მაშინ, როდესაც მმართველი გუნდის მიერ მხარდაჭერილმა კანდიდატმა, სალომე ზურაბიშვილმა — 34,48 პროცენტი.

გარდა ამისა, თბილისის ათი საარჩევნო ოლქიდან ხუთში ვაშაძემ გაიმარჯვა, ხოლო მეორე ნახევარში — სალომე ზურაბიშვილმა.

ხმების 7,99 პროცენტი მიიღო ევროპული საქართველოს საპრეზიდენტო კანდიდატმა, დავით ბაქრაძემ. გირჩის საპრეზიდენტო კანდიდატმა, ზურაბ ჯაფარიძე კი 5,77 პროცენტი მიიღო.

ცესკოს ამ ტაპისთვის ხმების 99,57 პროცენტი აქვს დათვლილი და წინასწარი მონაცემებით, ვერც ერთმა კანდიდატმა 50 პროცენტზე მეტი ვერ მიიღო, რაც ნიშნავს, რომ მეორე ტური გაიმართება.

ფოტო: On.ge

სამი ეგზიტპოლი და სამი შედეგი

საქართველოში საპრეზიდენტო არჩევნები დასრულდა და სამი ეგზიტპოლის მიხედვით, სამი სხვადასხვა შედეგი დაიდო.

მმართველი პარტიის ეგზიტპოლით, 52.3 %-ით მათმა მხარდაჭერილმა კანდიდატმა, სალომე ზურაბიშვილმა გაიმარჯვა. მათი თქმით, 28.1 % აქვს გაერთიანებული ოპოზიციის კანდიდატს, გრიგოლ ვაშაძეს და 9.2% ევროპული საქართველოს კანდიდატს, დავით ბაქრაძეს. ფსიქოპროექტმა 100 უბანზე 5104 ადამიანი გამოკითხა. ცდომილების ფარგლები 2.6%-ია.

ევროპული საქართველოს ეგზიტპოლით მეორე ტური იმართება. კერძოდ, 37% აქვს გრიგოლ ვაშაძეს და 34% სალომე ზურაბიშვილს. პარტიის კანდიდატს, დავით ბაქრაძეს 17% აქვს, შალვა ნათელაშვილს კი — 4. კომპანია BCG-მ 105 საარჩევნო უბანზე 6 000 ადამიანი გამოკითხა. მაქსიმალური ცდომილება 3%-ია.

რუსთავი 2-ის მიერ ჩატარებული ეგზიტპოლის შუალედური შედეგებითაც სალომე ზურაბიშვილს და გრიგოლ ვაშაძეს 40-40% ქონდათ, დავით ბაქრაძეს კი — 10%.

ამავე თემაზე: