ევროპული საქართველოს მიერ დაკვეთილი ეგზიტპოლის შედეგებით გაერთიანებული ოპოზიციის კანდიდატმა, გრიგოლ ვაშაძე ყველაზე მეტი ხმა მიიღო, თუმცა მეორე ტური მაინც უნდა გაიმართოს. შედეგები ასე გადანაწილდა:

ეგზიტპოლით კომპანია BCG-მ 105 საარჩევნო უბანზე 6 000 ადამიანი გამოკითხა. მაქსიმალური ცდომილება 3%-ია. გამოკითხვა ჩატარდა საქართველოს მასშტაბით, ოკუპირებული ტერიტორიების გამოკლებით.

თვალი ადევნეთ On.ge-ს ლაივს ევროპული საქართველოს საარჩევ შტაბიდან.

სამი ეგზიტპოლი და სამი შედეგი

საქართველოში საპრეზიდენტო არჩევნები დასრულდა და სამი ეგზიტპოლის მიხედვით, სამი სხვადასხვა შედეგი დაიდო.

მმართველი პარტიის ეგზიტპოლით, 52.3 %-ით სალომე ზურაბიშვილმა გაიმარჯვა. მათი თქმით, 28.1 % აქვს გრიგოლ ვაშაძეს და 9.2% დავით ბაქრაძეს. ფსიქოპროექტმა 100 უბანზე 5104 ადამიანი გამოკითხა. ცდომილების ფარგლები 2.6%-ია.

ევროპული საქართველოს ეგზიტპოლით მეორე ტური იმართება. კერძოდ, 37% აქვს გრიგოლ ვაშაძეს და 34% სალომე ზურაბიშვილს. პარტიის კანდიდატს, დავით ბაქრაძეს 17% აქვს, შალვა ნათელაშვილს კი — 4. კომპანია BCG-მ 105 საარჩევნო უბანზე 6 000 ადამიანი გამოკითხა. მაქსიმალური ცდომილება 3%-ია.

მეორე ტური იმართება რუსთავი 2-ის მიერ ჩატარებული ეგზიტპოლის შედეგებითაც. 16:00 საათის შედეგებით სალომე ზურაბიშვილს და გრიგოლ ვაშაძეს 40-40% აქვთ, დავით ბაქრაძეს კი — 10%. რუსთავი 2-ისთვის კვლევა გასული წლების მსგავსად კომპანია ედისონ რისერჩმა ჩაატარა. შედეგებში ცდომილების ფარგლები +/-3%-ია, გამოკითხვა 115 უბანზე ჩატარდა.

მასალის თავდაპირველ ვერსიაში აღნიშნული იყო, რომ ევროპული საქართველოს ეგზიტპოლით გრიგოლ ვაშაძემ გაიმარჯვა.