საეჭვო მეცხრე ამანათი ახლა აშშ-ის ყოფილ ვიცე-პრეზიდენტს, ჯო ბაიდენს გაუგზავნეს, წერს CNN. შეფუთვით ის წინა რვა ამანათს ჰგავს, რომელიც მიიღეს ჰილარი კლინტონმა, ბარაკ ობამამ, რობერტ დე ნირომ, ჯორჯს სოროსმა და CNN-მა.

აღსანიშნავია, რომ ამანათები გაგზავნილია ყველა იმ პირისთვის, რომელიც აშშ-ის პრეზიდენტს, დონალდ ტრამპს აკრიტიკებს.

ბაიდენისთვის განკუთვნილი ამანათი დელავერის შტატში ნიუ-კასლის საფოსტო ობიექტზე იპოვეს. როგორც ინფორმაცია ვრცელდება, ამანათი ბომბს ჰგავს.

რობერტ დე ნიროს ამანათი დღეს, 25 ოქტომბერს გაუგზავნეს. როგორც ცნობილია, ამანათი ნიუ-იორკში მდებარე რესტორან Tribeca Grill-ში დილით მიიტანეს. დაწესებულება ორი ოსკარის მფლობელ მსახიობს ეკუთვნის.

თუ ის შემოწმების შემდეგ წინა საეჭვო ამანათებს დაემთხვევა, ეს მერვე შემთხვევა იქნება, რაც ასაფეთქებელი მოწყობილობა იმ ადამიანს გაუგზავნეს, ვინც აშშ-ს პრეზიდენტ დონალდ ტრამპს აკრიტიკებს.