რომის მეტრო "რესპუბლიკაში" ესკალატორის მოულოდნელი აჩქარების გამო მინიმუმ 20 ადამიანი დაშავდა. მათი უმეტესობა CSKA Moscow-ის გულშემატკივარი იყო. ფანები რომასა და ცსკა მოსკოვის მატჩზე მიდიოდნენ.

იტალიის პოლიცია ადასტურებს, რომ ერთი ადამიანის მდგომარეობა მძიმეა. როგორც ადგილობრივი გაზეთი Il Messaggero წერს, რუსმა ფანმა ფეხი დაკარგა.

ფოტო: AFP / Getty Images

ფეისბუქზე და ტვიტერზე გავრცელებულ ვიდეოში ჩანს, როგორ იქმნება ესკალატორის ძირში ზედახორა. თვითმხილველთა თქმით, რამდენიმე ადამიანი ესკალატორმა ჩაითრია.

გაზეთ La Repubblica-ს ცნობით, რუსი ფანები შემთხვევამდე ესკალატორზე ხტუნავდნენ და უბედური შემთხვევა სწორედ ამან გამოიწვია.