ტურიზმის ეროვნული ადმინისტრაციის განცხადებით, Airbnb-ზე რეგისტრირებულ ბინებთან და აპარტამენტებთან დაკავშირებით შეზღუდვების ან გადასახადების შემოღებას არ გეგმავენ. ტურიზმის ადმინისტრაციაში აცხადებენ, რომ სოციალურ ქსელში ამაზე მცდარი ინფორმაცია გავრცელდა.

"ტურიზმის ეროვნული ადმინისტრაციის ხელმძღვანელი გიორგი ჩოგოვაძე აცხადებს, რომ ადმინისტრაცია მზად არის, დისკუსიაში ჩაერთოს გიდების სერთიფიცირების, სასტუმროების ლიცენზირების, ასევე ნებაყოფლობითი სარეიტინგო სისტემების შესაძლო შემოღების საკითხებთან დაკავშირებით", — წერია განცხადებაში.