ტელეკომპანია რუსთავი 2-ის ინფორმაციით, მირზა სუბელიანმა ციხეში თავის მოკვლა სცადა. არხი ინფორმაციას ადვოკატებზე დაყრდნობით ავრცელებს.

"უფლებადამცველები დღეს გლდანის მერვე დაწესებულებაში იმყოფებოდნენ. ციხეში შესულები იყვნენ პროკურატურის წარმომადგენლებიც. თუმცა, მათი თქმით, დაკითხვა მისი ფსიქოლოგიური მდგომარეობის გამო ვერ მოხერხდა", — აღნიშნულია ტელეკომპანიის საიტზე.

On.ge პენიტენციური სისტემიდან და საქართველოს მთავარი პროკურატურიდან პასუხს ელოდება.