Al Jazeera-ს ინფორმაციით, მალაიზიის ტანკერი, რომელსაც 900 000 ტონა ნავთობი გადაჰქონდა, ინდონეზიის წყლებიდან გაიტაცეს. მალაიზიის საზღვაო სააღსრულებო სააგენტო აცხადებს, რომ მათ ჯერ არ იციან გამტაცებელთა ვინაობა.

BBC-ის ცნობით, გემზე არსებული ნავთობის ღირებულება 392 ათას ამერიკულ დოლარს აჭარბებდა.

გემი მაილაიზიის ტანჯუნგ პელპას პორტიდან ორშაბათს გავიდა. მალაიზიის ოფიციალური პირები აცხადებენ, რომ მეკობრეობა ინდონეზიის წყლებში საკმაოდ ხშირია და როგორც წესი, მეკობრეები მეზღვაურებს მაჩეტეებითა და დანებით შეიარაღებულები ესხმიან თავს.

ტანკერის ბოლო ადგილმდებარეობად კუნძულ ბატმანის მიმდებარე წყლებს ასახელებენ.

მალაიზიის ტანკერი შარშან ივნისშიც გაიტაცეს. მეკობრეებმა მაშინ ნავთობი სხვა ტანკერში გადაიტანეს და მალაიზიას უკან ცარიელი დაუბრუნეს.