12 ოქტომბერს ფონდი ღია საზოგადოება საქართველოს პროექტის ფარგლებში “შეაჩერე ტკივილი” შეხვედრა გაიმართება. ტკივილის მართვის ექსპერტები საზოგადოებას ანგარიშს გააცნობენ იმის შესახებ, თუ რა პრობლემები აქვთ საქართველოში ქრონიკული და მწვავე ტკივილის მქონე პაციენტებს.

შეხვედრის მიზანია ქვეყანაში გაიზარდოს ტკივილგამაყუჩებელ საშუალებებზე (ოპიოიდებზე) ხელმისაწვდომობა იმ პაციენტებისთვის, რომლებიც ტკივილით იტანჯებიან და სხვა ჯგუფის პრეპარატები ვერ ახდენენ ტკივილის შემსუბუქებას.

შეხვედრაზე ქვეყნის წამყვანი ალგოლოგები (ტკივილის მართვის ექიმები) და პალიატიური მზრუნველობის სფეროს სამედიცინო პროფესიონალები, საკანონმდებლო ცვლილებების აუცილებლობის შესახებაც ისაუბრებენ.

"შეაჩერე ტკივილის" ფარგლებში შეხვედრა 12 საათზე, სასტუმრო რადისონში დაიწყება.