შინაგან საქმეთა სამინისტროს ინფორმაციით, თბილისობის დღესასწაულზე დაგეგმილი ღონისძიებების გამო, 5 ოქტომბერს ავტოტრანსპორტის მოძრაობა დედაქალაქის რამდენიმე უბანში აიკრძალება.

უფრო კონკრეტულად, დილის 05:00 საათიდან, ევროპის მოედანსა და მეტეხის ხიდზე, ასევე, აბანოთუბნიდან გორგასლის მოედნის მიმართულებით. მოძრაობა შესაძლებელი იქნება თუმანიანის ქუჩიდან კოტე აფხაზის ქუჩის გავლით. 21:00 საათიდან მოძრაობა აიკრძალება რესპუბლიკის მოედანზე.

რუსთაველის გამზირზე ავტომანქანების ნაკადი იმოძრავებს მეცნიერებათა აკადემიის მიმართულებით, ელბაქიძისა და კოსტავას ქუჩების გავლით.

მოძრაობა შეიზღუდება ახვლედიანის მოედანსა და მის მიმდებარე ტერიტორიაზე, ხოლო სრულად დაიკეტება ბარათაშვილის ხიდის მარცხენა პანდუსი.

საზოგადოებრივი ტრანსპორტი იმოძრავებს მისთვის განკუთვნილ ზოლში, კერძოდ, ახვლედიანის აღმართიდან ბარათაშვილის ხიდისა და წმ. ნიკოლოზის ეკლესიის მიმართულებით.

უწყების ცნობით, სატრანსპორტო მოძრაობა თბილისობის დღესასწაულის დასრულებისთანავე სრულად აღდგება.

ამავე თემაზე: