საქართველოს პრემიერ-მინისტრის, მამუკა ბახტაძის თქმით, მთავრობის ახალი ინიციატივით, მოქალაქეობის არ მქონე პირებს საქართველოში ჩამოუსვლელად შეეძლებათ ბიზნესის რეგისტრაცია და საბანკო ოპერაციების შესრულება. ამის შესახებ პრემიერმა დღეს, 3 ოქტომბერს მთავრობის სხდომაზე განაცხადა.

მისი თქმით, აღნიშნული საქმიანობის დაწყება ე.წ. ელექტრონული რეზიდენტობით იქნება შესაძლებელი. პრემიერმა აღნიშნა, რომ ამ ინიციატივით სარგებლობა 34 ქვეყნის მოქალაქეს შეეძლება.