თურქეთში სახელმწიფო გადატრიალების წარუმატებელი მცდელობის შემდეგ, ქვეყანაში 43 ჟურნალისტი დააკავეს. დაკავებულებს შორის გამოცემა Zaman-ის კორესპონდენტიცაა. ინფორმაციას Hurriyet Daily News ავრცელებს.

დაკავებულებს სახელმწიფო გადატრიალების მცდელობაში ჩართულობა და ამერიკაში მცხოვრებ სასულიერო პირთან, ფეტულა გიულენთან კავშირში ედებათ ბრალი.

15 ივლისს თურქეთში ხელისუფლების დამხობის მიზნით ქვეყნის რამდენიმე ლოკაციაზე შეიარაღებული დაჯგუფების თავდასხმას 300-მდე ადამიანის სიცოცხლე ემსხვერპლა, აჯანყებასთან კავშირის ბრალდებით თანამდებობიდან გადააყენეს და დააკავეს ათასობით მოსამართლე, მაღალი თანამდებობაზე მყოფი სამხედროები, პოლიციელები და სამოქალაქო პირები.

გარდა ამისა, დახურულია 130-მდე მედიასაშუალება, დაკავებულები არიან ჟურნალისტები. ქვეყანაში სამთვიანი საგანგებო მდგომარეობაა გამოცხადებული.

თურქეთში მომხდარი ამბოხის გამომწვევი მიზეზების, მისი ორგანიზატორებისა და მომხდარის შესახებ დეტალურ ინფორმაციას შეგიძლიათ გაეცნოთ აქ: