ახალი ზელანდიის წყლებში კაიაკერები თავისი ნავებით ნავარდობდნენ, როდესაც მათ გარშემო არც ისე კარგ ხასიათზე მყოფი სელაპი გამოჩნდა.

მეგობრებს კაიაკზე ვიდეო კამერა ჰქონდათ დამაგრებული და მოგზაურობას იღებდნენ. სწორედ ვიდეოში ვხედავთ, რომ უეცრად, მოწმენდილ ცაზე გაბრაზებული სელაპი ჩნდება და ყველაზე უიღბლო კაიაკერს სახეში რვაფეხას ურტყამს.

"ოკეანის შუაგულში ვართ და უეცრად ეს ვეება მამრი სელაპი ჩნდება, რვაფეხით. გაოცებული ვიყავი და ვიკითხე კიდეც, 'ახლა რა მოხდა?' ყველაფერი ისე სწრაფად მოხდა, რომ რვაფეხას სხეულის ყველა მკვრივი ნაწილი საკუთარ სახეზე ვიგრძენი", - ამბობს სელაპის მსხვერპლი კაილ მულინდერი.

სელაპს ამბის მეორე მსხვერპლი, ანუ რვაფეხა, ყბებს შორის ჰყავდა მოქცეული და ისე ეჭირა.

სელაპები თევზებით იკვებებიან, თუმცა ისინი, პოვნის შემთხვევაში, ნებისმიერ სახის ცილოვან საკვებს შთანთქავენ, მათ შორის კალმარს, მოლუსკს, უხერხემლო კიბოსნაირებსა და რვაფეხას.