საოკუპაციო ხაზთან, მდინარე ენგურის მარცხენა სანაპიროზე მდებარე სოფელ რუხთან, რუსმა სამხედროებმა ორი პირი დააკავეს. ინფორმაციას სახელმწიფო უსაფრთხოების სამსახური ადასტურებს. უწყებაში On.ge-ს განუცხადეს, რომ ორი ადგილობრივი მცხოვრები ე.წ. საზღვრის უკანონო კვეთის ბრალდებით დააკავეს და აღნიშნულის შესახებ უკვე ინფორმირებულია ევროკავშირის სადამკვირვებლო მისია.

რუსთავი 2-ის ინფორმაციით, რუსმა ოკუპანტებმა ისინი თევზაობის დროს დააკავეს. მათივე ცნობით, მუქარითა და გამაფრთხილებელი გასროლით ოკუპანტებმა მდინარე ენგურის მეორე მხარეს გადაიყვანეს და ავტომობილით გალში წაიყვანეს.