პარლამენტის თავმჯდომარემ, ირაკლი კობახიძემ განაცხადა, რომ მომდევნო კვირიდან პარლამენტში დაიწყება მარიხუანის მოხმარების რეგლამენტაციის განხილვა და რეგლამენტაცია იქნება მკაცრი. მისი თქმით, დაჩქარებული განხილვა შინაგან საქმეთა სამინისტროს თხოვნაა, რადგან საკონსტიტუციო სასამართლოს გადაწყვეტილებიდან გამომდინარე არსებობს ვაკუუმი და საზოგადოება უნდა იყოს ინფორმირებული.

მისივე თქმით, კანაფის კულტივაციისა და რეალიზაციის საკითხის განხილვა "არ ეჩქარებათ" და ამ საკითხზე საჭიროა საზოგადოების სწორი ინფორმირება:

"დღეს საზოგადოებას იმაზეც არ აქვს ინფორმაცია, რომ ეს კანონპროექტი არ ითვალისწინებს ნარკოტიკების წარმოებას და რეალიზაციას. ხდება სპეკულაციები, არასწორი ინფორმაცია მიეწოდება საზოგადოებას ჩვენი ოპონენტების მხრიდან, სხვადასხვა ძალების მხრიდან, რაც არის სამწუხარო, თუმცა კანონპროექტი ამას არ ითვალისწინებს".

შინაგან საქმეთა სამინისტრომ მარიხუანის მოხმარებისა და სამედიცინო მიზნით ექსპორტზე გასატანად კანაფის კულტივაციის რეგულირებისთვის ახალი კანონპროექტი შექმნა. კანაფის მოყვანა-წარმოებისთვის საჭირო რეგულაციებს სპეციალური სააგენტო გასცემს.

ამავე თემაზე: