ქართული ოცნების მიერ მხარდაჭერილმა კანდიდატმა, სალომე ზურაბიშვილმა საკუთარ თავს 40 ათასი ლარი შესწირა. მას შემდეგ, რაც 6 აგვისტოს ზურაბიშვილმა საპრეზიდენტო კანდიდატურა წამოაყენა 21 შემოწირულობა მიიღო.

მათ შორის არის კომპანია კოკა-კოლას დირექტორის, ვახტანგ ლაღიძის 50 ათასლარიანი შემოწირულობა. თითქმის, ერთი თვის განმავლობაში სალომე ზურაბიშვილმა 108 032 ლარის ოდენობის შემოწირულობა მიიღო.

2018 წლის არჩევნებისთვის საპრეზიდენტო კანდიდატების დაფინანსების შესახებ დეკლარაცია აუდიტის სამსახურმა გამოაქვეყნა. დეკლარაციები 22 აგვისტოდან 11 სექტემბრის ჩათვლისთ მდგომარეობას ეხება. დამოუკიდებელი კანდიდატებიდან, ზურაბიშვილის გარდა, შესაბამისი დეკლარაცია ხუთმა პირმა წარადგინა:

  • დავით ამაშუკელი;
  • ვაჟა ჩხაიძე;
  • ვლადიმერ ნონიკაშვილი;
  • ზაქარია როჭიკაშვილი;
  • თეიმურაზ შაშიაშვილი.

ამ ხნის განმავლობაში დამოუკიდებელ კანდიდატებს შორის შემოწირულობა მხოლოდ სალომე ზურაბიშვილს აქვს მიღებული.