"ეს გზა აუცილებლად აშენდება და იგი იქნება საქართველოს დედაქალაქიდან თუშეთამდე მიმავალი თანამედროვე, ევროპული სტანდარტების გზა"- ეს განცხადება პრემიერ მინისტრმა გიორგი კვირიკაშვილმა დღეს, თუშეთობის დღესასწაულზე გააკეთა.

გიორგი კვირიკაშვილის განმარტებით, უკვე გამოცხადებულია ტენდერი თუშეთის გზის პროექტირებაზე:

"აშენდება ევროპული სტანდარტების გზა, იმისათვის, რომ ყველა ტურისტმა უსაფრთხოდ და რაც შეიძლება მოკლე დროში მოახერხოს თუშეთში ამოსვლა. ასევე ძალიან მნიშვნელოვანია მთიანი რეგიონების შემაერთებელი გზები, რომელზეც ვმუშაობთ, იმიტომ, რომ სხვაგვარად შეუძლებელი იქნება ამ მხარის, ამ კულტურის მომავალი თაობებისთვის შენარჩუნება".

კვირიკაშვილის თქმით, გზას ტურიზმის განვითარების, უსაფრთხოებისა და კულტურული მემკვიდრეობის შენარჩუნების დანიშნულება ექნება.