პრემიერ-მინისტრის, მამუკა ბახტაძის თქმით, რუსულ პროპაგანდაზე საუკეთესო პასუხია სიღარიბის აღმოფხვრა და ეკონომიკური განვითარების დონის ამაღლება:

"სამწუხაროდ, სწორედ ეს პრობლემა ასაზრდოებს ხშირად ნაციონალიზმს, ქსენოფობიას, ხოლო რუსული პროპაგანდა ხშირად ჩვენი ეკონომიკის სწორედ ამ სუსტ წერტილზე დარტყმას ცდილობს".

მისივე თქმით, მნიშვნელოვანია განათლების რეფორმაც, რაც გაზრდის ადამიანური კაპიტალის ინდექსს და უზრუნველყოფს ეკონომიკის კონკურენტუნარიანობის უფრო მაღალ დონეს.

პუტინის გრანტით დაფინანსებული მედიაფორუმი საქართველოში

საქართველოში ჟურნალისტებისთვის ვლადიმერ პუტინის ფონდის მიერ დაფინანსებული ფორუმი გაიმართა. 2-დღიან ღონისძიებაში მონაწილეობას იღებდნენ პრორუსული განწყობებით ცნობილი მედიის წარმომადგენლები, ჟურნალისტები და მკვლევარები. რუსული დელეგაციიდან 4 ჟურნალისტი უკან გააბრუნეს მოსკოვში ოკუპაციის კანონის წლების წინ დარღვევის გამო.

მსგავსი ფორუმები საქართველოში წლების განმავლობაში ტარდებოდა, რომელსაც ორგანიზებას პრორუსული განწყობით ცნობილი მედიასაშუალებები უწევდნენ: რუსული პოლიტოლოგიური ცენტრი "ჩრდილოეთი-სამხრეთი" (Север-Юг), პრეს-კლუბი "თანამეგობრობა" (содружество) და ქართულენოვანი პრო-რუსული გამოცემა, "საქართველო და მსოფლიო". 2018 წელს ფორუმის მთავარი თემა რეგიონში ნდობის განსამტკიცებლად მედიის როლი იყო.

  • დეტალურად ფორუმის მონაწილეებსა და გამომსვლელებზე წაიკითხეთ აქ.