ბოლქვაძე: ლგბტ დროშისა და სამკლაურის გამო დინამოს სტადიონზე არ შემიშვეს
![](http://ross.on.ge/2017/09/15/1505463248.jpg)
ლგბტ აქტივისტის, ნინო ბოლქვაძის თქმით, დინამო არენაზე, სადაც საქართველო-ლატვიის საფეხბურთო მატჩი მიმდინარეობს, ლგბტ სამკლაურით არ შეუშვეს. მისი თქმით, ის ფერადი დროშის გამოც არ შეუშვეს, რომელიც ჩანთაში ედო. ამის შესახებ მან On.ge-ს განუცხადა.
"ამ შეზღუდვას სამართლებრივი საფუძველი არ აქვს. შევეხმიანე სახალხო დამცველის ცხელ ხაზს, დავრეკე 112-შიც და ველოდები ახლა შემიშვებენ თუ არა", — ამბობს ბოლქვაძე.
On.ge დაუკავშირდა შინაგან საქმეთა სამინისტროს ინფორმაციის გადასამოწმებლად. შსს-ში ამბობენ, რომ დინამოზე კერძო დაცვაა და შესაბამისად პასუხისმგებლობაც მათ ეკისრებათ.
ამის შემდეგ On.ge ფეხბურთის ფედერაციასაც დაუკავშირდა, სადაც განაცხადეს, რომ ამის შესახებ ინფორმაცია არ აქვთ.
დღეს, 9 სექტემბერს დინამო არენაზე საქართველო-ლატვიის თამაში მიმდინარეობს. მატჩს გულშემატკივრების ნაწილი ფეხბურთელ გურამ კაშიას მხარდასაჭერად ლგბტ სამკლაურით ესწრება.
![](http://joey.on.ge/2018/09/09/41403580_1051554535007874_7574187552484098048_n.jpg)
ფოტო: სალომე ჩადუნელი
![](http://joey.on.ge/2018/09/09/41308635_2340300772663371_2123224822308667392_n.jpg)
ფოტო: სალომე ჩადუნელი
![](http://ross.on.ge/2018/09/09/41412446_2089862964391943_1681013155561472000_n.jpg)
ფოტო: სალომე ჩადუნელი
გულშემატკივრებმა კაშიას მხარდაჭერა მას შემდეგ გადაწყვიტეს, რაც ქართული მარშის წევრები ფეხბურთელს დაემუქრნენ და საპროტესტო აქციის მოწყობა გადაწყვიტეს.
ლგბტ თემის მხარდაჭერისთვის, 30 აგვისტოს UEFA-მ გურამ კაშია ოფიციალურად დააჯილდოვა. დაჯილდოების ცერემონიაზე წამყვანმა განაცხადა, რომ კაშიას ლგბტ სამკლაურით თამაშს საქართველოში კრიტიკა მოჰყვა, მაგრამ ფეხბურთელმა უკან არ დაიხია და განაცხადა, რომ თანასწორობის უფლებას დაიცავს.
-
-
გადახედვა
-
გადახედვა
-
-
გადახედვა
-
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
-
-
გადახედვა
-
-
კომენტარები