პოპულარული ამერიკული სერიალი, საიდუმლო მასალები, 1993 წელს გამოვიდა ეკრანზე და პოპულარობის პიკს 1990-იანი წლების ბოლოს მიაღწია.

გარდა ტელესერიალისა, 1998 წელს გამოვიდა სრულმეტრაჟიანი ფილმი, ხოლო 2008 წელს - მისი გაგრძელება.

სერიალი ახალი სეზონით 2016 წელს დაბრუნდა და საკმაოდ წარმატებულადაც, პრემიერას 16 მილიონზე მეტმა ადამიანმა უყურა.

შოუს გამოსვლიდან 25 წლის თავზე, FX-მა და ბარბის მწარმოებელმა კომპანიამ გადაწყვიტა, რომ ფანებისთვის საჩუქარი გაეკეთებინათ და მთავარი როლის შემსრულებლების ჯილიან ანდერსენისა და დევიდ დუხოვნის პერსონაჟების ბარბები გამოეშვათ.