ბრაზილიაში ორსაუკუნოვანი ეროვნული მუზეუმი დაიწვა

ბრაზილიის ეროვნული მუზეუმი ხანძრის შედეგად განადგურდა. რიო-დე-ჯანეიორში მდებარე მუზეუმი ქვეყნის უძველესი სამეცნიერო ცენტრი იყო.

BBC-ის ცნობით, შემთხვევის შედეგად არავინ დაშავებულა, თუმცა მუზეუმში დაცული კოლექციების უმეტესობა, მათ შორის არტეფაქტები, ხელოვნების ნიმუშები, ისტორიული დოკუმენტები, განადგურდა. მუზეუმი 2018 წელს არსებობის 200 წელს ზეიმობდა.

ცეცხლი კვირა საღამოს გაჩნდა, მას შემდეგ, რაც მუზეუმი სტუმრებისთვის დაიხურა. ცეცხლის გაჩენის მიზეზი ამ დროისთვის უცნობია.

ადგილობრივი ტელევიზიის მიერ გავრცელებულ კადრებში ჩანს, რომ ცეცხლი შენობის მთელ ტერიტორიაზე გავრცელდა.

BREAKING: The National Museum of #Brazil in #Rio is completely consumed in fire. Founded in 1818, the museum is the holder of over 20 million items, including mummies, meteorites, insects, & fossils. So sad to see history in flames :(

Video from @g1 live feed#museunacional pic.twitter.com/eCm8G6gKwA
— Justin Fleenor 🔁 (@JustinFleenor) September 3, 2018

მუზეუმის დირექტორმა მომხდარს "კულტურის სფეროს უდიდესი ტრაგედია" უწოდა. ბრაზილიის პრეზიდენტის მაიკლ ტემერის განცხადებით, ეს დღე ყველა ბრაზილიელისთვის "სამწუხაროა", რადგან "200 წლის სამუშაო, კვლევა და ცოდნა განადგურდა".

Incalculável para o Brasil a perda do acervo do Museu Nacional. Foram perdidos 200 anos de trabalho, pesquisa e conhecimento. O valor p/ nossa história não se pode mensurar, pelos danos ao prédio que abrigou a família real durante o Império. É um dia triste para todos brasileiros
— Michel Temer (@MichelTemer) September 3, 2018

რა ინახებოდა მუზეუმში

მუზეუმში 20 მილიონი იშვიათი ექსპონატი იყო განთავსებული. საგამოფენო სივრცეში ასევე წარმოდგენილი იყო სამხრეთ და ჩრდილო ამერიკის მცენარეების, მინერალების, ცხოველების, მუმიებისა და ინდური ჭურჭლის იშვიათი ექსპონატები. ექსპოზიციაში შედიოდა დინოზავრის ჩონჩხი და 12 ათასი წლის წინანდელი თავის ქალის ძვლის ნაწილები.

მეცნიერები აცხადებდნენ, რომ ეს იყო ყველაზე ძველი ძვლოვანი სისტემა, რაც კი ოდესმე აღმოუჩენიათ ამერიკის კონტინენტზე.