ამერიკის ღია პირველობაზე ქართველმა ჩოგბურთელმა ნიკოლოზ ბასილაშვილმა მეორე გამარჯვება მოიპოვა. ამჯერად მან მსოფლიოს მე-18 ჩოგანი ჯეკ სოკი დაამარცხა 4-6, 6-3, 6-2, 7-6.

ბასილაშვილის შემდეგი მეტოქე არგენტინელი გუიდო პელა იქნება, რომლის დამარცხების შემთხვევაშიც ქართველი ჩოგბურთელი ტურნირის მერვედფინალში გავა.

ნიკოლოზ ბასილაშვილმა ერთი თვის წინ ჰამბურგში გამართული ATP ტურნირი მოიგო და 37-ე ჩოგანი გახდა. მას აქვს შანსი, რომ ნიუ იორკში წარმატებული ასპარეზობის შემდეგ რეიტინგში ისევ დაწინაურდეს.