აშშ-ის მოცურავეთა გუნდის ფავორიტი, მაილ ფელფსი ოლიმპიადაზე, სხვა ბევრის მსგავსად, ტრადიციული ჩინური სამკურნალო პროცედურის შედეგად მიღებული ლაქებით გამოვიდა.

Independent-ის ცნობით, მას შემდეგ, რაც ფელფსმა მეცხრამეტე მედალი მოიპოვა, ამ პროცედურის გარშემო ინტერესმა საგრძნობლად მოიმატა. პრაქტიკას აშშ-ის სხვა გუნდებიც მიმართავენ. საერთაშორისო ოლიმპიური კომიტეტი კი მას ლეგალურად ცნობს.

ფელფსის გამარჯვებისას რუსეთის ტელევიზიის წამყვანმა განაცხადა, რომ ეს თერაპია ნარკოტიკული საშუალებაა:

"ის სისხლის მოძრაობას აუმჯობესებს და დიდი დატვირთვისას კუნთები სწრაფად რეაგირებს, რაც ნარკოტიკულ საშუალება მელდონიუმისგან სულაც არ განსხვავდება".

მაიკლ ფელფსი ოლიმპიადაზე. აგვისტო, 2016.

ფოტო: Independent.co.uk

მელდონიუმი მსოფლიოს ანტი-დოპინგურ საშუალებათა სიაში 2015 წელს შევიდა. მისი მოხმარებისთვის რუს ჩოგბურთელ მარია შარაპოვას ორწლიანი დისკვალიფიკაცია აქვს მიღებული.

მელდონიუმის აკრძალვას ეწინააღმდეგება რუსეთის პრეზიდენტი ვლადიმერ პუტინიც. მისი აზრით, ნივთიერება უბრალოდ გულის კუნთებს ხელს უწყობს, იყოს კარგ მდგომარეობაში.

სახელმწიფოს მიერ დაფინანსებული დოპინგის მიღების გამო, რიოს ოლიმპიადაზე ყველაზე მეტ სპორტსმენს რუსეთის ნაკრებიდან აუკრძალეს გამოსვლა.