პრემიერ-მინისტრის, მამუკა ბახტაძის თქმით, ნატოსა და ევროკავშირში გაწევრიანებისთვის საქართველომ ჯერ კიდევ ბევრი რამ უნდა გააკეთოს. ამის შესახებ მან გერმანიის კანცლერთან ერთობლივ პრესკონფერენციაზე განაცხადა. მისივე თქმით, საქართველო აუცილებლად გახდება ევროკავშირისა და ნატოს წევრი ქვეყანა.

"ჩვენი მიზნები არავის წინააღმდეგ არაა მიმართული. ჩვენ მხოლოდ მშვიდობაზე ორიენტირებული ვართ. დარწმუნებლი ვართ, რომ ამ მიზანს მივაღწევთ. აქვე ჩვენ არ გვაქვს ილუზია, ვიცით, რომ ჯერ კიდევ ბევრი რამ არის გასაკეთებელი", - განცხადა ბახტაძემ.

მისივე თქმით, ხელისუფლება თანმიმდევრულია და პროგნოზირებად ნაბიჯებს დგამს და ევროპასთან დასაახლოებლად რეფორმების გატარებას გააგრძელებს:

"როდესაც იქნება ამის მზაობა, საქართველო 100 პროცენტით იქნება სრულფასოვნად მზად, რომ გახდეს ნატოსა და ევროკავშირის წევრი".

გერმანიის კანცლერი ანგელა მერკელი საქართველოს ორდღიანი ოფიციალური ვიზიტით დღეს ესტუმრა. კანცლერის თვითმფრინავი თბილისის საერთაშორისო აეროპორტში 15:20 საათზე დაეშვა. მას აეროპორტში საქართველოს საგარეო საქმეთა მინისტრი დავით ზალკალიანი დახვდა.

გერმანიის კანცლერის ვიზიტის სრული განრიგი იხილეთ აქ.

ამავე თემაზე: