რაც ხდება, უსამართლობაა" - ასე უპასუხა გერმანიის კანცლერმა საზოგადოებრივი მაუწყებლის კითხვას ოკუპაციასთან დაკავშირებით. ანგელა მერკელის განცხადების თარგმანს საერთო პრესკონფერენციიდან მთავრობის ადმინისტრაცია ავრცელებს.

ანგელა მერკელის თქმით, მიუხედავად დიდი ძალისხმევისა, ცოტა კეთდება იმისთვის, რომ ერთხელ და სამუდამოდ წარსულს ჩაბარდეს "ეს დიდი უსამართლობა".

"მე ხვალ მექნება შესაძლებლობა მივიდე ადმინისტრაციულ საზღვართან, სადემარკაციო ხაზთან, სადაც ევროკავშირის მისიაა წარმოდგენილი. ეს არის უსამართლობა რაც ხდება. რუსეთის პრეზიდენტმა იცის ჩემი პოზიცია, მათ შორის უკრაინასთან დაკავშირებით. ჩვენ ვსაუბრობთ ამაზე. ეს ერთი კონტექსტია. მიუხედავად დიდი დაძაბულობისა, მიუხედავად დიდი ძალისხმევისა ცოტა კეთდება იმისთვის, რომ ერთხელ და სამუდამოდ წარსულს ჩაბარდეს ეს დიდი უსამართლობა. არ უნდა შევეგუოთ, ჩვენ მაქსიმალურად უნდა ვისაუბროთ ამაზე", - განაცხადა ანგელა მერკელმა.

ანგელა მერკელმა განაცხადა, რომ მხარს უჭერს საქართველოს ტერიტორიულ მთლიანობას.