არგენტინელი პოლიციელი სელესტ ჟაკლინ აიალა ადგილობრივ ბავშვთა საავადმყოფოში პატრულირებდა, როდესაც ბავშვის ტირილის ხმა შემოესმა. ის მიხვდა, რომ ბავშვს დახმარება სჭირდებოდა, რადგან თავად ცოტა ხნის წინ იმშობიარა და თავისი გამოცდილებით იცოდა, როდის სჭირდებოდა ბავშვს დახმარება.

ასე რომ, ის საავადმყოფოს გარეთ სკამზე ჩამოჯდა და ბავშვი რძით გამოკვება.

აიალას ქმედებით გაოცებულმა ერთ-ერთმა თანამშრომელმა, მარკოს ჰერედიამ, მას ფოტო გადაუღო და ფეისბუქზე გამოაქვეყნა. პოსტს უკვე 110 ათასზე მეტი შეარი აქვს.

"მინდა, რომ ყველამ ნახოს სიყვარულის ეს დიდებული ჟესტი, რომელიც შენ დღეს ამ ბავშვის მიმართ გამოხატე", - დაწერა მან პოსტზე.

არგენტინაში 14 აგვისტოს ქალი პოლიციელების დღეს აღნიშნავენ. შემთხვევა ზუსტად 14 აგვისტოს მოხდა. ჰერედიამ CNN-ს უთხრა, რომ ბავშვი მშიერი იყო და უცნობია, რატომ არ გამოკვებეს ის საავადმყოფოს თანამშრომლებმა.

როგორც აიალას საავადმყოფოს პერსონალმა უთხრა, ბავშვი პოლიციამ დედას გარკვეული დროის წინ მოაშორა, თუმცა უცნობია, რატომ.

თავისი ქმედების გამო, აიალა დააწინაურეს და სერჟანტის წოდება მისცეს.