სოულის დედოფლის გარდაცვალებას არიანა გრანდემ ემოციური შესრულება მიუძღვნა და ჯიმი ფელონის შოუში The Roots-თან ერთად 1967 წლის ჰიტი (You Make Me Feel Like) A Natural Woman იმღერა.

"ვიცი, რომ ეს არიანასთვის რთული საღამოა, მაგრამ დიდი ადამიანები ასე იქცევიან — ისინი ჩვენთან არიან, როცა გვჭირდებიან", - თქვა ფელონმა.

სოულის ლეგენდა არეტა ფრანკლინი გუშინ, 16 აგვისტოს, 76 წლის ასაკში გარდაიცვალა.