საბერძნეთში კუნძულ ევიაზე მეორე დღეა ხანძარია. ქვეყნის პრემიერ-მინისტრის განცხადებით, იმ სოფლებიდან სადაც ყველაზე მეტი საფრთხე არსებობს, 500 ადამიანია ევაკუირებული.

The Guardian-ის ცნობით, კუნძულ ევიაზე, რომელიც ათენიდან 92 კილომეტრის დაშორებით მდებარეობს, ამ დროისთვის 250 მეხანძრე-მაშველი და 62 ჯავშანტექნიკა მუშაობს. საბერძნეთის სოფლის მეურნეობის მინისტრის თქმით, ხანძრის ჩასაქრობად ისინი მთელი ღამის განმავლობაში მუშაობდნენ.

მასშტაბური ხანძარი საბერძნეთში გასულ თვეშიც მოხდა, მაშინ 90-ზე მეტი ადამიანი გარდაიცვალა, 30 კი ამ დრომდე საავადმყოფოში რჩება.