ვაშაძე-ჯაფარიძე-ახალი არჩევანი - On.ge-ის ინფორმაციით, დღეს ახალი პოლიტიკური ბლოკი შეიქმნა.

სამოქალაქო პლატფორმა - ახალი საქართველო, ახალი პოლიტიკური ცენტრი გირჩი და პარტია ახალი მემარჯვენეები ერთ ბლოკად ერთიანდებიან.

ლიდერები განმარტავენ, რომ გაერთიანების მთავარი მიზეზია, საქართველოს სწრაფი განვითარებისთვის საჭირო სწორი ეკონომიკურ-სოციალური პროგრამა, პროდასავლური კურსი, ინოვაციური იდეები და საერთო გეგმები. მათი აზრით, წინასაარჩევნო მარათონში მნიშვნელოვანია გამოცდილი ადამიანების გუნდური მუშაობა, რაც ახალ გაერთიანებას უფრო კონკურენტუნარიანს გახდის და წარმატებასაც მოუტანს.

აღნიშნულის შესახებ, პარტიების ლიდერები საგანგებო განცხადებას დღეს 12:00 საათზე გააკეთებენ.