მსახიობი და რეჟისორი ენდი სერკისი ნეტფლიქსისთვის ჯორჯ ორუელის ცხოველების ფერმის ეკრანიზაციას გადაიღებს.

სერკისსა და ნეტფლიქს შორის ეს შეთანხმება მას შემდეგ შედგა, რაც არხმა რეჟისორის მიერ გადაღებული მაუგლის დისტრიბუციის უფლება შეიძინა.

ცხოველების ფერმა ჯორჯ ორუელის სატირული ალეგორია ტოტალიტარულ რეჟიმზე.

ორუელის ნაწარმოებში საუბარია ცხოველებზე, რომლებმაც აჯანყება მოაწყვეს და ფერმიდან განდევნეს ადამიანები. მათ გადაწყვიტეს, საკუთარი მმართველობის სისტემა შექმნან და თავად მართონ ფერმა, მაგრამ, ამავე დროს, არანაირად არ დაემსგავსონ ადამიანებს.

საერთო გადაწყვეტილებით, აკრძალული იყო ტანსაცმლის ჩაცმა, ადამიანივით საწოლზე წოლა, ფულის გამოყენება და სხვა ჩვევები, რომლებიც მხოლოდ ადამიანს ახასიათებს. მიუხედავად ამისა, დროთა განმავლობაში, ფერმა, განვითარებასთან ერთად, "ეცემოდა ადამიანის დონემდე" და საბოლოოდ მისი ერთპიროვნულ მმართველს, ღორს სახელად "ნაპოლეონი", უკვე ვერავინ არჩევდა ნამდვილი ადამიანებისგან.