სამეცნიერო ფანტასტიკის მოყვარულებისთვის კარგი ამბავი გვაქვს. ამერიკულმა კომპანიამ 2001: კოსმოსურ ოდისეაში არსებული კომპიუტერის, HAL-9000-ს რეპლიკა შექმნა. პროექტი Indiegogo-ზე წამოწყებული კამპანიის ფარგლებში დაფინანსდა.

მოწყობილობის ინტელექტუალურ შესაძლებლობებზე ბევრს ვერაფერს გეტყვით, მაგრამ ვიცით, რომ მას ბლუთუზ დინამიკის და ხმოვანი ბრძანებების ფუნქცია ექნება. მოწყობილობა მაგნიტებით არის აღჭურვილი, რომელთა დახმარებითაც მის მიმაგრებას ნებისმიერი მეტალის ზედაპირზე შეძლებთ. საწყისი მოდელი $599 ეღირება და სპეციალური სადგამთან და დამტენთან ერთად გაიყიდება. მასთან დაკავშირებას თქვენი კომპიუტერიდან, სმარტფონიდან ან ტაბლეტიდან ბლუთუზის საშუალებით შეძლებთ.

კომპანია უფრო ძვირადღირებული მოდელის გამოშვებასაც გეგმავს, რომელიც თქვენს ბრძანებებს ფილმის ფრაზებით უპასუხებს.