პირველ ექვსი თვეში ევროკავშირის ქვეყნებიდან 40,6 მილიონი დოლარით მეტი გადმოირიცხა, ვიდრე რუსეთიდან. ამ მონაცემებს ეროვნული ბანკი აქვეყნებს.

როგორც გასული წლის პირველ ექვს თვეში, ასევე 2017 წელს სრულად ევროკავშირის ქვეყნებიდან საქართველოში უფრო ნაკლები თანხა ირიცხებოდა, ვიდრე რუსეთიდან.

2018 წლის პირველი 6 თვე

  • რუსეთი — 214 105,6 მლნ დოლარი;
  • ევროკავშირის ქვეყნები — 254 726,6 მლნ დოლარი.

2017 წლის პირველი 6 თვე

  • რუსეთი — 207 731,2 მლნ დოლარი;
  • ევროკავშირის ქვეყნები — 191 036,5 მლნ დოლარი.

2017 წელი

  • რუსეთი — 455 283,8 მლნ დოლარი;
  • ევროკავშირის ქვეყნები — 423 157 მლნ დოლარი.

რაც შეეხება 2018 წლის ივნისს, ეროვნული ბანკის მონაცემებით, საქართველოში გადმორიცხული თანხების მოცულობა წინა წელთან შედარებით 14,8 პროცენტით გაიზარდა და 135,1 მლნ აშშ დოლარს გაუტოლდა. გარდა ამისა, გაზრდილია საქართველოდან გადარიცხული თანხების მოცულობა 0,5 პროცენტით და 17,9 მლნ აშშ დოლარს გაუტოლდა.

"რაც შეეხება ქვეყნების მიხედვით განაწილებას, ფულადი გზავნილების ძირითად წყაროს ევროკავშირის ქვეყნები (34 პროცენტი) და რუსეთი (29 პროცენტი) წარმოადგენს. ევროკავშირის ქვეყნებიდან აღსანიშნავია საბერძნეთისა და იტალიის წილი მთლიან ფულად გზავნილებში", - აღნიშნულია ეროვნული ბანკის მიერ გავრცელებულ ანგარიშში.