2016 წელს გარდაცვლილი კერი ფიშერი, საკულტო ფილმის, ვარსკვლავური ომების მეცხრე ნაწილში კვლავ გამოჩნდება.

რეჟისორ ჯ. ჯ. აბრამსის განცხადებით, პრინცესა ლეია არა ვიზუალური ტექნიკის დახმარებით, არამედ იმ კადრების დახმარებით გამოჩნდება, რომლებიც წინა ფილმიდან "მორჩა".

"ჩვენ ძალიან გვიყვარდა კერი. მის გარეშე ეს ფილმი ის არ იქნება, რაც უნდა იყოს, შესაბამისა, არასდროს ვაპირებდით როლზე სხვა მსახიობის ძებნას, ან კომპიუტერული გრაფიკის გამოყენებას. მისი ქალიშვილის თანხმობით, გამოვძებნეთ საშუალება პატივი მივაგოთ კერისა და მისი გმირის მემკვიდრეობას და ამისათვის გადაღებებიდან ის ეპიზოდები გამოვიყენოთ, რომელიც აქამდე არ გამოგვიყენებია“, - ამბობს რეჟისორი.

შეგახსენებთ, რომ ეს იქნება ვარსკვლავური ომების საგის უკანასკნელი ფილმი, მისი გადაღებები კი პირველ აგვისტოდან დაიწყება.