ყველამ ვიცით, რომ მოსკოვს ცრემლების არ სჯერა, სანკტ-პეტერბურგელებმა კი ცოტა ხნის წინ დაამტკიცეს, რომ მათ სუფთა, გამწვანებული და მოწესრიგებული გარემოსი არ სწამთ და კითხვაზე ვისთვის შენდება ქალაქები? თავისი პასუხი გასცეს - ავტომობილებისთვის.

შესაბამისად, ქალაქმგეგმარებლები მაქსიმალურად ცდილობენ ტერიტორიები მხოლოდ ავტომობილების საჭიროებებს მოარგონ.

პრინციპში, ყოველთვის ვიცოდით, რომ რუსეთი იმედს არ გაგვიცრუვებდა და ასეც მოხდა, ახალი სამშენებლო კომპლექსი, რომელიც სანკტ-პეტერბურგს “ამშვენებს” არანაირ საღ აზრს არ ექვემბდებარება. ადგილი, რომელიც თავის დროზე ეკატერინე მეორეს სახელს უკავშირდებოდა და ერთ დროს წყნარ ადგილად ითვლებოდა, დღეს ხმაურიანი მშენებლობების მთავარ ეპიცენტრად იქცა, თანაც გაურკვეველი სახელებით, მაგალითად როგორიც არის - “სამი ფორთოხალი", "ჩემი სტიქია", "ბუმერანგი" და სხვა.

სულ ცოტა ხნის წინ კი კომპლექსებს კიდევ ერთი - “ჩრდილოეთის ველი” მიემატა, რომლის მშენებელსაც აშკარად საკონცენტრაციო ბანაკების ნოსტალგია ჰქონდა, სხვა შემთხვევაში რატომ ააშენებდა უბანს, რომელიც ასე ძალიან ჰგავს გეტოს და რომლის ერთადერთი პლუსი მხოლოდ ის არის, რომ აქ მეტრო გადის.

ფოტო: Ilya Varlamov

ფოტო: Ilya Varlamov


იმის გამო რომ ახლად აშენებულ უშველებელ კორპუსებს დიდი ტერიტორია არ წაეღო, მშენებლებმა უარი თქვეს ყველანაირ გამწვანებაზე და "პრივილეგია" მანქანებსა და ბეტონის ბლოკებს მიანიჭეს.

ფოტო: Ilya Varlamov

ფოტო: Ilya Varlamov

სავარაუდოდ, როცა კორპუსები ვიზუალურად კიდევ უფრო დამახინჯდება, ტერიტორია იდეალური იქნება საშინელებათა ჟანრის ფილმების გადასაღებად.

ფოტო: Ilya Varlamov