საქართველოს დაავადებათა კონტროლის ცენტრი მოსახლეობას რეკომენდაციებით მიმართავს, თუ როგორ არ უნდა მოვიქცეთ მაღალი ტემპერატურის დროს, როდესაც მტვრის კონცენტრაციები მატულობს. ცენტრში ამბობენ, რომ მაღალი ტემპერატურის დროს, შეიძლება მტვრის მასები გავრცელდეს, რომელიც საშიშია ჯანმრთელობისთვის.

  • გოგირდის ორჟანგი იწვევს რესპირატორული სისტემის გაღიზიანებას, ამთებით პროცესს, ხველას, ასევე გავლენას ახდენს ფილტვებზე, იწვევს ქრონიკულ ბრონქიტს და სხვ;
  • ორგანული ნაერთებიდან ბენზოლი ყველაზე ყურადსაღებია, რადგან იგი კანცეროგენულია, იწვევს ლეიკემიას და სხვა ონკოლოგიურ დაავადებებს;
  • ნახშირჟანგი, აზოტის ოქსიდები იწვევს გულსისხლძარღვთა სისტემის დაავადებებს, სასუნთქი გზების ანთებით პროცესებს, ალერგიას, იმუნური სისტემის დაქვეითებას და სხვა;
  • მტვრის ნაწილაკების მოხვედრა სასუნთქ გზებში იწვევს ქოშინს, ხველას, ბრონქიტს, პნევმონიას, ასტმის პროვოცირებას და სხვა.

გარდა ამისა, როგორც დაავადებათა კონტროლის ცენტრის განცხადებაში ვკითხულობთ, მტვრით ექსპოზიციის შემთხვევაში შესაძლეველია შემდეგი სიმპტომებიც განვითარდეს:

  • ალერგიული რეაქციები და ასთმის შეტევები;
  • სუნთქვის პრობლემები;
  • გულ-სისხლძარღვთა დაავადების გამწვავება.

დაავადებათა კონტროლის ცენტრის ინფორმაციით, მტვრის მასები განსაკუთრებით ვნებენ:

  • ახალშობილებს, ბავშვებს და მოზარდებს;
  • ასაკოვან მოსახლეობას;
  • ადამიანებს, რომელთაც სასუნთქი სისტემისა და გულ-სისხლძარღვთა სისტემის დაავადებები აწუხებთ;
  • დიაბეტის მქონე პირებს.

როგორ უნდა მოვიქცეთ, რომ ამ დაავადებების ჩამონათვალს თავი ავარიდოთ? NCDC-ს რეკომენდაციები ასეთია:

  • მოერიდეთ გარე საქმიანობას და შეეცადეთ მცირე დრო დაჰყოთ გარეთ; განსაკუთრებით თუ გაქვთ ასთმა, დიაბეტი ან სუნთქვის უკმარისობა, რომელიმე ქრონიკული დაავადება;
  • დაიფარეთ ცხვირი და პირი ნიღბით ან ნესტიანი ქსოვილით, რათა შეამციროთ მტვრის ნაწილაკებით ექსპოზიცია;
  • დარჩით შენობაში, სადაც ფანჯრები და კარები დახურულია;
  • თუ თქვენ ხართ დაავადებული ასთმით ან გაქვთ სხვა სახის რესპირატორული დაავადება და გამოგივლინდათ ისეთი სიმპტომები, როგორიცაა სუნთქვის გაძნელება, ხველა, ხიხინი, ან გულმკერდის ტკივილი, დაიცვათ დანიშნული მკურნალობის გეგმა. თუ სიმპტომები კვლავ გაგრძელდება, მიმართეთ ექიმს.