გუშინ, 24 ივლისს, საზოგადოებრივი მაუწყებლის პირველი არხის ეთერში ქართული ოცნების დამფუძნებელთან და დავმჯდომარესთან, ბიძინა ივანიშვილთან ინტერვიუ გავიდა. ეს იყო პირველი ინტერვიუ მას შემდეგ, რაც ის პოლიტიკაში დაბრუნდა.

On.ge TV MR საქართველოს მონაცემებზე დაყრდნობით გთავაზობთ სატელევიზიო არხების რეიტინგს ბიძინა ივანიშვილთან ინტერვიუს დაწყების მომენტიდან დასრულებამდე (21:44 - 23:10).

AMR %

ეს მონაცემი აჩვენებს ტელევიზორის მქონე მაყურებლების რა ნაწილი უყურებდა დროის მოცემულ მონაკვეთში კონკრეტულ არხს:

  1. რუსთავი 2 — 10,1%
  2. იმედი — 6,8%
  3. პირველი არხი — 4,1%

SHARE %

ეს მაჩვენებელი კი ასახავს დროის მოცემულ მონაკვეთში ჩართული ტელევიზორის მქონე მაყურებლების რა ნაწილი უყურებდა ამ არხებს:

  1. რუსთავი 2 — 31%
  2. იმედი — 20,8%
  3. პირველი არხი — 12,7%

რეიტინგებში ასახულია მონაცემები საქართველოს მასშტაბით, 18+ ასაკის აუდიტორიისთვის. ეს არის პირველადი მონაცემები, რომელიც შეიძლება მცირედით შეიცვალოს.

კომპანია თი-ვი ემ-არ საქართველო, ნილსენის სატელევიზიო აუდიტორიის გაზომვების ოფიციალური ლიცენზირებული პარტნიორია. იგი დაარსდა 2004 წელს და 2005 წლის პირველი იანვრიდან უწყვეტად აწვდის საქართველოს სატელევიზიო ბაზარს კვლევის შედეგებს.

ბოლო მონაცემებით [16:57] აქტუალური თემის ფეისბუქგვერდზე გადაცემა 94 ათასმა ადამიანმა ნახა.