საბერძნეთში სამდღიანი გლოვა გამოცხადდა. უცხოური მედიის ინფორმაციით, გადაწყვეტილება ქვეყნის პრემირ-მინისტრმა, ალექსის ციპრასმა მიიღო.

"ქვეყანა სიტყვით გამოუთქმელ ტრაგედიას განიცდის. დღეს საბერძნეთი გლოვობს და ჩვენ სამდღიან გლოვას ვაცხადებთ იმ ადამიანებისთვის, რომლებიც ხანძრისას დაიღუპნენ", - განაცხადა ციპრასმა სატელევიზიო მიმართვაში.

საბერძნეთში, ათენთან ტყის ხანძრებს ამ დრომდე, სულ მცირე, სამოცი ადამიანი ემსხვერპლა. Greekreporter-ის ცნობით, ცეცხლი თავდაპირველად გერიის მთის ფერდობზე ფიჭვნარში დაიწყო, რის შემდეგაც ქვეყნის აღმოსავლეთში, ათენსა და კორინთს შორის მდებარე დასახლებებში გადავიდა, სადაც რამდენიმე სახლი დაიწვა.